Agenda dei poeti 2018

22 settembre 2018

A NOSTRA VITA

Quannu ti canusciu a prima vota
insiemi cuminciau a nostra vita
lu nostru amuri cuminciau a crisciri
chi ni bastava sulu na taliata
cu la felicità do nostru cori
progetti ni facemmu senza fini
chi la famigghia cuminciau a crisciri
ca era bellu u tempu chi passava
pariva l’acqua chiara di lu fiumi
passau tantu tempu bellu assai
ma dopu cuminciaru i primi mali
u tempu si faciva assai scuru
tra malatii e mali di lu mbernu
a prima vota caristi malata
chi lu signuri ti sarvau la vita
25 anni tu fusti graziata
mi ni priava iu di la ma vita
ma ti ni vinni una assai pisanti
un ti pottinu iutari mancu i santi
ora chi avi un’annu ca un ci sini
mi sentu mali e mi mettu a priari
cu lu pinseri fissu di la menti
vaiu priannu a tia cu lu cori
passu li iorna comu Diu voli
lu nostru amuri fu densu e forti
ni cumpagnau Diu fina a la morti.


Vincenzo Guaia – Gela (CL)