Agenda dei poeti 2007

15 giugno 2007

LA MIA CA'

Raspas sòo...
tanti pasei par 'una stradeta
strecia senza sò.
Soeui muur da sass, doo finestrell
ca paran feritoi,
sott al portich traversà da ragner
che a on rag da sò
lusisan come l'or,
e dent da on crot 'na madonina.
Ma par da sentèe amò 'na musicheta
da on mé compagn da scola
- col petinen e la velina -
sentì i vös da quant serom bagaj.
Proeuvi a ciamà e l'eco
al ma rispond
- giò par la vall - sott al pont.
Al fich in d'on canton
al fa l'inchen ala fontana
- ca la ciciara piue -.
Ghe pieu gnanca i pulée,
la stala con i vach,
e l'uduu da roba vegia...
Restan dumà i regord
ca sa sfreguian sech in d'on canton
- da la mia man -
ghe gnanca on fiàà.

Apena i rondin in primavera,
soeui traf in ritornàa!


Pierangela Carpani - Caslino d'Erba (CO)