Agenda dei poeti 2007

24 novembre 2007

'O PURTONE

Quant'acqua m'aggio sparagnato, guaglione
sotto a 'stu purtone.
'A gente se fermava pe' s'arreparà.
Na signora diceva:
"Gesù, comme chiove.
Proprio dint'a 'stu mumento
ca tenevo n'appuntamento".
Nu viecchio pensiunato
credennese dà cunsulà
le dicette: "Signò avimmo 'ncagliate,
avimmo aspetta".
Nu signore pe' essere cchiù cortese,
caccianno 'o vraccio 'a fore,
e trasennele tutto bagnato, le dicette:
"Signò è scampato".
Na signurinella guardava l'acqua
ca scenneva a langelle,
pecché 'a nu giuvinotto
se verette 'e fittià.
Mò, fore a 'stu purtone
è stata sistemata na cancellata
che chiure l'entrata.
'Annanze ce stà na luce
ca s'appiccia e se stute,
pare n'ambulanza,
'a gente, quando 'a vere,
se sente 'e tremmà.
E pensa: "Comm'erano belli
e palazzi 'e tanta anni fa.
Addò na vota,
accussì se 'ncuntrava l'umanità".

'A Semmenzella.


Giancarlo Chierchia - Sant'Agata dei Goti (BN)