Agenda dei poeti 2011

23 luglio 2011

LÂ CRI

Nel mezzo del cammin della mia vita,
quând tütt pâriva nurmàl e stabilì,
âl mé distén l’ha cambià percùrs
pârchè una nöt hö incuntrà lâ “Cri”.
Fén â cul dì lì, ânsi cùla nöt,
âl mé pü gròs dafàri l’éra âl divertimént:
Bacco, Tabacco e Venere â tüt ândà,
mâ in fönd in fönd s’éra nò cuntént.
Causa un biciér âd pü, tânt mé âl mé sòlit,
cun lâ màchina sö vulà föra dâ strà;
hö fàt in témp â ciâmâ il 118
e pö hö pensà: “ L’è la me ùra, sö spâcià”.
Quând hö dvèrt i ögg, là int l’uspedàl,
âm pâriva dâ vès pâsà sùta un trâtùr;
me màdâr lâ pregâva e lâ piansiva
e âm caresàva cun tütt âl so amùr.
Ârénta a lè, gh’éra una fiulâtâ.
“chi sa chi è clè?” - pensava –
“Â l’hö mai vista”.
Âm sfursàva dâ ricurdà “chi” fra le tante…
Ma no, lâ fa no pàrt âd lâ mé lista!
Lâ gh’âviva dü ögg culùr dâl mar
e una bùca bèla e suridénta:
sö no pârchè âm bâtìva fòrt âl cör
quând lâ pârlàva o lâ m’nìva ârènta.
Mâ vàrda dönca che ràsa d’un efètt:
sarà sicür lâ bòta c’hö ciâpà.
E quând che dop un po’ l’è andata via,
âm sö sentì deprèss e scunsulà.
“Â lè Cristina, una vuluntària dla Crùs Rùsa” -
l’hâ mà spiegà me màndar cun pasiénsa -
“Ringràsia lé e âncâ âl tò Signor
sâ tè âncùra chi in nostra presénsa”.
L’è pâsà tântâ témp dâ cùla vòlta
e la mè vita l’è tütâ câmbià:
adès fö âl vuluntàri intla Crùs Rùsa
a la Cristina… âm lâ sö spusà!


Rina Ravera – Voghera (PV)