Agenda dei poeti 2011

10 ottobre 2011

L’ARMANDOLIN MALAA

Ven chi, ven in del zio,
poer armandolin malaa,
ven chi dal giusta tutt.
Ma in doe te see staa?
Te seet tutt mostolent
e mezz desfaa.
In sul spazzacà?
Hoo capiì, la toa padrona,
stuffa de vedet in gir
(tant gh’è pù nessun che sona)
la t’ha mettuu in pension
sul spazzacà; insemma
ai alter strafusari finii,
se sa nò come, li per ari.
Però, t’hee vist incœu?
La t’ha troaa e quand
la t’ha vist tanto malaaa
cont i gottoni ai œuc
da mi la t’ha portaa.
Dai ven che te foo el bagn
no, l’è minga troppa calda
l’è teve dinna, tevedinna
penna fœura del frecc.
Te seret poppi negher.
Se l’è che gh’è adess?
In doe te gh’heet la bibi?
Ch’inscì? In doe gh’è rott?
Poer armandolin, tranquill,
el zio te mett ona pomada
tutta bianca… sta fermo…
on momentin… l’è vinavil!
Dopo on cerott e vedarett
in duu dì te saret guarii.
Ma si, sofistich, hoo veduu
che chi ghe manca on tocch.


Fausto Colombo – Milano