Agenda dei poeti 2012

22 novembre 2012

I SS-CIAN ‘D SAN MARTÈIN

La vendigna l’è finìa. El vì
i mustro i culur pé bèi, tìte
èl foie ruse cmè prumessa
per l’eternitò. Che spetacul!
Anche u su u s’enchèin-na, intenerì.

Davante a sta valòda e pensada
al fatighe di noster vègg a tratén
u respir; u’m ven voja ‘d brasè él cà,
él piante, èl campèin del paiss, anche
l’òire ch’u porta l’èco ‘d sante memorie.
U’m basta nent, a voi entrè ant’ la vigna
cmé ‘na vota, an mès ai uataròn e …
Rapulè j’ultim ss-cianc ‘d San Martèin.
Poi u vendrà l’invern, ‘na distèisa bianca,
én gran silènsio.

Ma u turnrà la luce, i cant di cuntadèin,
i bét nov del vì, nov fanciòt. Tit viv.
E mè? A j’ho curs tant, per cosa poi?
(Hiroshima, New jork,
Beslam él conquiste?).

A son stanc,
anche per mé l’è rivò S. Martèin
e ancheuj a j-ho sentì l’atrasion
‘d j’ultim ss-ciank d’ìua: cmé ss-radichè
dal vì l’anima du noster mond,
pover ma felice,
‘d ‘na vota, da purtè
adman con mé, luntan ...

Quande él medesim stèile i restran,
semper là,
a vegliè e benedì
ricord e nì
di méi pasaròt andurmì.


Renato Morelli – Acqui Terme (AL)