Agenda dei poeti 2016

20 maggio 2016

VIN

L’è on tònich specifich el vin brulee
Ma per fall ben gh’è de stagh adree
Barboni, carrettee, marmaja
Che bev domà vin de vinaja
L'altra sera seri ciocch tradii
Hoo traa sù anca l’anima, l’era vin del trii
El “Chianti” l’è el vin italian
pussee cognossuu
Ma s'hoo de divv,
preferissi de “Barbera” vess bevuu
Tanta gent bev el vin domà se l’è battezzaa
Quei che studien chimica
fann el vin consciaa
A la Versa fann el “Sangu de Giuda”
Sabet passaa, fioeu, che bevuda!
El “Sciacchetrà” di Cinqu Terr, che disdetta
L’è pròppi el vin de la ciavetta
El vin d’uga de Merlòtt
Per mi l’è el vin del vòtt
L “Aleatich” de l’Elba
l’è on vin de dessert
Ma a bevel gh’è de stà cont i oeugg avert
El trani l’è on nòmm terron, l’è vera
Ma quand ghe voo bevi domà Barbera
El “Marsala” di terroni l’è on vin gran bon
Ma a beven tròpp te ris’cet de andà in ballon
I Frances beven “Champagne”
a tutta manetta
Numm gh’emm domà quell de la balletta.


Gianmaria Ferrari – Saronno (VA)