Agenda dei poeti 2009

19 dicembre 2009

LA CRAVATTA

T’hoo vist on dì passà per la mia via
i tò bei oeugg celest m’hann fulminaa
e ciocch d’amor per tutta la città
t’hoo cercada, ma t’hoo minga trovaa.
Amor, car bell faccin acqua e savon
famel savè dove se pò incontratt
mi dormi pù, sta smania dent al coeur
a l’è ona sofferenza, on gran dolor.
La nott sògni, te strengi, te basi
se svegli, fra i brasc me se troeuvi el cossin
questa l’è pù ona vitta de fà
se mi te troeuvi nò diventi matt.
M’hann dì che te fee
la commessa e per quest
tucc i negozi de via de la Spiga
mi hoo faa passà, ma mamma che sfiga
t’hoo minga trovaa, de spess t’hoo cercada
anca in via Borgospess,
ma gh' è sta nient de fà.
On dì però in via del Gesù,
a famm sta grazia l’è sta propi lù
entri in d’onsit, compri ‘na cravatta
e al còll te me l’è missa propi tì.
Amor, car bell faccin acqua e savon
finalment mi t’hoo trovada e son content
adess a me manca propi pù nagott
a gh’hoo el tò amor e me serviss pù nient.
Ona gran felicitaa l’ha m’ha colpì
quella cravatta però l’è oncollarin
te vegni adree come on cagnoeu al guinzali
te voeuret portamm subit a l’altar.
Ma te ghe de savè che i can in gesa
al guinzali pòden minga entrà
allora per adess ti lassom foeura
famm gòd anmò on cicin de libertaa
T’el disaroo mi quand soroo
pront a fà el mari e a diventà papà.


Derno Cantarelli - Vimodrone (MI)