Agenda dei poeti 2007

4 gennaio 2007

1ª CLASSIFICATA PREMIO INTERNAZIONALE DI POESIA "AGENDA DEI POETI 2006 SEZ. DIALETTO

TE SARIET NASSUU IN DICEMBER

Ti' te sariet nassuu in dicember
e, fradell del bambin nassuu in la stalla,
te gh'avarissett regalaa la lus,
te gh'avarissett spantegaa la pas.

Ti' te sariet nassuu in dicember,
ti', fior pussee candid de la nev,
che te ghe minga mai poddu cognoss,
perché i to' oeucc hinn restaa tobis.

Ti' te sariet nassuu in dicember,
ti', regal benedett del creator,
che mi' gh'hoo nò vorsuu accettà,
che mi' hoo traa via senza pietà.

Ti' tesariet nassuu in dicember,
pover el me' bambin minga nassuu,
ti' rimors che te bruset dent de mi',
ti' vita bella, che hoo condannaa a mori'.

Prima,
perduu in d'on mond senza color
e impresonaa in d'on silenzi senza fin,
adess che te se on angel del Signor
e te poeudet prega' per chi haa sbagliaa,
figlio respinto, creatura mia mai nata,
te preghi,
prega perché chi t'haa asasinaa
torni a dornì ona quaj nott, quietada.


Grazia Sullo Ogliari - Milano