Agenda dei poeti 2006

22 aprile 2006

LA MASSERA

La Lisetta l è drèe a pettinass.
La se fä la michetta
con ti fursin.
 Sembra n altra donaa
l è vestida insci ben
che quasi la riconussi pu.
Cun la so bursa de paia
la va a prued
tutta de cursa, sembra che
l ha ingranàa la quarta.
La vàa, che la purta via l aria.
Lisetta la s è fermada sul marciapèe
a ciciaràa cun la so amisa.
Se racunten tucc i so magagn.
Ciciara tì, ciciara mì,
l è quasi messdi,
Lisetta la turna a càa:
el minestrun l è brusàa
 oh! puera mì, se fu adess!

La se dispera tutta la Lisetta
el so marit la ghe vusa a drèe:
 vialter donn a perdi no el cò
perché ghè l avi atacàa
se de no lassavrissett in gir
anca quell.
 Ti te sbagliet no?
Ghe rispund in drèe la Lisetta
 ma vardèe quest chi
cum el ragiona.
Ricordes been che sensa de mi
ti te se nient!
Te credet de ves cusèe?
« Te ghe resun, Lisetta,
fasem pàas; guardem no
i stupidat!
Cià chi la man e andemm.

Maria Carmela Digrazia - Garbagnate (MI)