Carrello Login

Agenda dei poeti 2005

24 dicembre 2005

NATALI

Littra a Gesù.
Caro Gesù
sta littra ca ti scrivu
e' senza francubullu
pirchi' tassa non si paga
unni ti trovi tu.
Gesù;
e' l'annivirsariu
di la vinuta to.
Vinisti pi sarbari
stu munnu a la dirutta.
Ma:
nenti e canciatu,
semu peggiu di prima.
La fami aumenta,
la puvirtà e a la cima.
Uerri timpesti e focu
e forti tirrimoti
nta tanti cuntinenti
e sempri chiddu ca paga
lu populu nuccenti.
Di la to Gerusalemmi
non sta ristannu nenti.
Tutta la Palistina
ridutta a la ruvina.
Tirruri e tirruristi
a l'ordini do jornu,
su la ruvina chisti
ppi nui un gran fastornu.
Nui stamu a spittari
la to grazia divina
porta paci e giustizia
ch'e' na bona midicina.
Mi firmu un piccaturi
e non ti dicu nenti chiu'.
Sulu du paroli
Gesu' pensaci tu.

Ignazio Santagati - Melbourne (Australia)