Agenda dei poeti 2004

29 marzo 2004

EL MÜND PICCININ

Mattinada freda
e mi gü el coer già strac
de cuela vegia tiritera
cuma l'era giù a la Falk.
Ma quand la porta la se derva,
ghè nient de pü se trist,
e tüch i mür ca paren gris
dünan 'n tuch d'elegansa,
e anca i cart e i legn mort
già mò cünussen la speransa.
Tüch insema chi a laurà
e pö resti impigliada
nei biund cavei de la muldava,
la mia amisa, minga acorta,
me dis che nun l'emporta.
E pü se 'n fünd
ca sembra 'n po el supermercà,
la vegn cul carel
e cüi söi ëch cungelà
el rüss ca purt' a cà
el curas ca se pö minga cumprà.
Serv a gnient lamentass
che sem pien de barla füss,
se la ment se rinfrescass,
minga ai tempi dei mammüt,
se pö dì sem semper nüm,
col noster cöer 'n po pus se dür.
Eppür se mi ghe pensi,
cinquant'an fa
la mia mama e 'l me papà,
tüch i camp abandunà
e sensa bisogn de fa pü il melgum,
son vegnù fin chi a Milan
a se sentiss dì: terun...
Ma la vida l'è 'na röda,
se la dervi, la gà gnient,
ti te penset a tanta gent,
e se finiss che è semper vöda.

Stefania Grieco - Cologno Monzese (MI)