Agenda dei poeti 2004

14 dicembre 2004

E' VIERNO

E' vierno, chiove.
L'acqua che scorre ro canalone
n'coppa a na lammera care e sona
e s'accumpagna co fruscio du viento
e io che a lietto stongo
chiù dindo e cuperte m'arravoglio.
E' vierno chiove chiove male tiempo fa
e a e case noste avimmo stà.
Aspettanno ca esce o tiempo pe' chi a faticà.
Esce nun'esce ma appriesse all'acqua
vene a neve e dindo ce fa nserrà
e attuorno o fuculare iamme a sta.
O pigratiello chi fasuli e ca coteca
stà pronto pe pippià e pippea pippea pippea.
A mizziuorno sonato, n'coppa a boffetta
apparecchiata, vicino o focolare, se mangia
fasuli du pignato e patane sott'offuoco,
cu l'accumpagnamento
e nu vino frisco e bello
che gè fa compagnia
fino all'urdimo tizzone ra jurnata.
E' scuro tardo s'è fatto,
c'iaizammo ra tuorno o focolare
ramme l'urdima gardata fore e si esclama:
"O tiempo che ffà?"
E a voce
chiù vecchia e dindo a chella casa dice:
"Sciocca: tiempo ne!"
Iammece a cuccà ca nata jurnata è passata
ngrazia ngrazia do Signore.

Rino Alvino - Atripalda (AV)